വർണ്ണക്കാഴ്ചകളുമായി നടുവട്ടം യുപിഎസ് എഴുപതാം വാർഷികം ആഘോഷിച്ചു.
ബഹു : വാർഡ് മെമ്പർ ശ്രീമതി കോമള ടീച്ചറെ സ്കൂൾ ബാന്റിന്റെ അകമ്പടിയോടെകൂടി പിടിഎ പ്രസിഡന്റ്, രക്ഷിതാക്കൾ,കുട്ടികൾ, ടീച്ചേഴ്സ് എന്നിവർ ഉദ്ഘാടനത്തിനായി സ്വീകരിച്ചു. പങ്കെടുത്ത മുഴുവൻ വിദ്യാർത്ഥികൾക്കും ഈ സ്കൂളിലെ പൂർവ്വ അധ്യാപകനും പരേതനുമായ ശ്രീ ജയരാമൻ മാസ്റ്ററുടെ നാമധേയത്തിൽ അദ്ദേഹത്തിന്റെ കുടുംബം ട്രോഫികൾ ഏർപ്പെടുത്തി.
വാർഡ് മെമ്പർമാർ, പൂർവാധ്യാപകർ, രക്ഷിതാക്കൾ എന്നിവർ വേദിയെയും സദസ്സിനെയും സമ്പുഷ്ടമാക്കി. സ്കോളർഷിപ്പ് വിതരണം ക്ലാസ് റൂം പതിപ്പുകളുടെ പ്രകാശനം എന്നിവയും നടന്നു. വാർഷിക നടത്തിപ്പുമായി ബന്ധപ്പെട്ടകൂടിയാലോചനകളിൽ പങ്കെടുക്കുകയും എല്ലാവിധ സഹകരണങ്ങളും ഞങ്ങൾക്ക് ഉറപ്പുവരുത്തിയ പി ടി എ, എം ടി എ അംഗങ്ങൾ, സ്ഥാപനങ്ങൾ എല്ലാവർക്കും ഹൃദയത്തിന്റെ ഭാഷയിൽ നന്ദി അറിയിക്കുന്നു.
